काठमाडौं । एक २० वर्षीया युवती क्लबमा जन्मदिनको पार्टीको मजा लिदै थिइन्, तर अचानक उनलाई सुत्केरीको पीडा भयो। ती युवतीलाई आफू गर्भवती छिन् भन्ने थाहा थिएन । भोलिपल्ट डाक्टरकहाँ पुगेपछि आफू गर्भवती भएको थाहा भयो । अचम्मको कुरा के थियो भने ती युवतीमा गर्भावस्थासँग सम्बन्धित कुनै लक्षण थिएन । ती युवतीले टिकटक भिडियोमा पुरा कथा सुनाएकी छिन् ।
‘द मिरर’को रिपोर्टका अनुसार युवतीको नाम भिभियन वाइज रुइज्वेलास्को हो । उनी पेशाले बिक्री सहायक हुन् र मेक्सिकोमा बस्छिन्। भिभियनमा गर्भावस्थासँग सम्बन्धित कुनै लक्षण थिएन। बेबी बम्प पनि देखिएन, उनको महिनावारी पनि भइरहेको थियो । उनी निरन्तर व्यायाम गरिरहेकी थिइन् । भिभियनलाई आफू गर्भवती भएको थाहा थिएन ।
अक्टोबर २०२१ मा, एक साथीको जन्मदिनको पार्टीमा उनलाई सुत्केरीको पीडा भयो। भिभियनका अनुसार सुरुमा उनको कम्मर र पेट नजिकै दुखेको थियो । बढ्दो पीडा देखेर चाँडै घर गइन् ।
भोलिपल्ट बिहान पनि उसलाई दुखाइ रह्यो । त्यसपछि उनले यो जानकारी प्रेमी टोनाटिउ गोन्जालेजलाई दिए। दुवै जना स्त्री रोग विशेषज्ञकहाँ गए । यहाँ डाक्टरले उनको गर्भ रहेको पुष्टि गरे। त्यसपछि डाक्टरले भिभियनको सी-सेक्शनको शल्यक्रिया गरे, त्यसपछि दम्पतीको छोराको जन्म भयो।
भिभियनले टिकटक भिडियोमा यो कथा भनेकी थिइन्, यो भिडियोलाई १.७ करोड भ्युज प्राप्त भएको छ । योसँगै यो भिडियोलाई १३ लाखभन्दा बढीले लाइक गरेका छन् ।
