कम चलचित्र खेलेर दर्शकको मनमा बस्न सफल नायक हुन् प्रदीप खड्का। एकपछि अर्को चलचित्रमा राम्रो काम गर्दै आएका प्रदीप दर्शकको मात्रै होइन निर्माताको मनमा समेत बसेका छन् ।
झन् प्रदीप अभिनित पछिल्लो चलचित्र ‘प्रकाश’ रिलिज भएपछि त उनका फ्यान एवम् शुभचिन्तक ह्वात्तै बढेका छन् ।
दर्शकले मात्रै होइन अधिकांश चलचित्रकर्मीले समेत ‘प्रकाश’ हेरेपछि प्रदीपको खुलेरै तारिफ गरेका थिए।यसैबीच, पछिल्लो समयमी डिमान्डेड नायिका वर्षा राउतले पनि ‘प्रकाश’ हेरेपछि प्रदीपको तारिफ गरेकी छिन् । नेपाली नायकहरु मध्य आफुलाई प्रदीप मनपर्ने वर्षाले बताएकी छिन् ।
त्यस्तै, एक मिडियामा अन्तर्वार्ता दिने क्रममा वर्षाले आफू प्रदीपको फ्यान भएको भन्दै प्रदीपको झन् तारिफ गरेकी छिन् । उनले एपिवन टिभीबाट प्रसारण हुने कार्यक्रम ‘दि प्रकाश सुवेदी शो’मा बोल्दै उनले भनिन्, ‘
चलचित्र ‘प्रकाश’ हेरेपछि त म प्रदीपको एकदम ठुलो फ्यान भएकी छु। उहाँ एकदम राम्रो कलाकार हुनुहुन्छ। निकै हम्बल मान्छे हुनुहुन्छ।’
वर्षा अभिनित नयाँ चलचित्र ‘के घर के डेरा’ यही कार्तिक ४ गतेबाट प्रदर्शनमा आउँदैछ । यही चलचित्रको प्रोमोसनको लागि वर्षा यतिबेला विभिन्न मिडियामा अन्तर्वार्ता दिन व्यस्त छिन् ।
