चलचित्र ‘लुट २’मा समावेश ‘ठमेल बजार’ बोलको गीतमा आइटम नृत्य गरेपछि आइटम गर्ल एलिसा राइको चर्चा चुलियो । केही म्यूजिक भिडियोमा काम गरेकी एलिसालाई ‘लुट २’को आइटम गीतले एकाएक चर्चामा ल्याइदियो ।
यसपछि, उनी नेपाली चलचित्रमा गज्जबले जम्ने अपेक्षा गरिएको थियो । तर, उनी चलचित्रमा आशातित रुपमा जम्न सकिनन् । म्यूजिक भिडियोमा उनको क्रेज औषत छ ।
एलिसा आफ्नो पढाइका कारण पनि आफूले काममा बढी ध्यान दिन नपाएको बताउँछिन् ।
उनै, एलिसा बिहिबार बेलुकी काठमाण्डौको जय नेपाल हलमा पुगिन् । एलिसा वन पिस कालो पहिरनमा हलमा पुगेकी थिइन् । एलिसाको स्टाइलले धेरैको ध्यान खिच्यो ।
नेपाली चलचित्रमा थुप्रै नायिकाहरुको आगमन भैसकेकाले पनि एलिसालाई नायिकाको रुपमा स्थान बनाउन अब सजिलो छैन ।
हेरौ, उनले आफ्नो करिअरलाई कसरी अगाडि बढाउने हुन् ?
